شخشوخة

في قدر أو كوكوطا نحطو البصل المرحي، مع الزيت و السمن و اللحم يتقلاو، و نديرو معاهم 2 ملاعق كبار فلفل عكري و ملح و نصف ملعقة فلفل أسود و 2 سنينات ثوم مهروس.

 نخلوهم يتقلاو و نضيفو ملعقة طماطم مصبرة مع 3 حبات طماطم مقشرة و مرحية أو مسكرفجة.

 نخلو كل شي يتقلى مليح، بعدين نمرقو و نرمو لحميصة، و نخلوه يطيب و كي يطيب اللحم، نضيفوا الخضرة قرعة و جزر و بطاطا و رأس حار.

 نجيو الشخشوخة نحطوها في القصعة، قيس كسكاس معمر و نبللها بالماء و نخلوها تنشف، و نحطوها تفور، بعدين نحوها كي تبرد نزيدو نشمخوها بالماء، كي تنشف نزيدو نحطوها تفور مليح.

 بعدين نحطوها في القصعة و نديرولها طرف زبدة كي تبرد نرجعوها تفور بلا ما نشمخوها بالماء في هذه المرة.

 كي طيب المرقة و تتفور الشخشوخة، ندهنها بالايدام اللي يجي في المرق من فوق باش تأخذ اللون الأحمر.

 و في الأخير كي نجو نقدموها نجمروها على نار هادئة مع قليل من المرق