مقبلات

فطيرة محشية بالدجاج

المقادير
  • 02 كيسان فرينة
  • ملعقة صغيرة خميرة الخبز
  • ملعقة صغيرة سكر
  • 02 مغارف كبار زيت
  • ملح
  • علبة ياوورت طبيعي
  • ماء دافيء
الحشوة
  • بصلة مقطعة رقيقة
  • 01 حبة جزر مبشورة خشين
  • دجاج مقطع أطراف
  • ملح، فلفل أسود
  • معدنوس
  • حبات من الجبن
الخطوات
  1.  نخلط 2 كيسان فرينة، ملعقة صغيرة معمرة خميرة الخبز، ملعقة صغيرة سكر، نخلطهم ونضيف ملعقتين كبار زيت، و نخلط و نزيد الملح و علبة ياغورت طبيعي و نخلط، و نزيد الماء الدافيء تدريجيا حتى تتلم العجينة. - بعدين اعجنيها غير دقتين بالاما تقطعيها، بعدين نغطيها بكيس بلاستيكي ونخليها ترتاح الوقت لي يجهز فيه الحشو.

  2.  في نفس الوقت نحضر الحشو في شوية زيت، نقليو بصل مقطعة رقيقة كي تذبال نزيد 1 جزر مرايبي خشين ونخليهم يتقالو مليح و نزيد دجاج مقطع أطراف طايب أو أخضر أو حتى لحم مرحي، الحشو اختياري.

  3. نزيدوا الملح و الفلفل الأسود و المعدنوس، و نخلطهم مليح، و نخليهم يطيبو و نضيف فورماج بورسيون، ونخليه حتى يذوب و نطفي عليها.

  4. نحكم العجينة نقسمها على اثنان يكون جزء أكبر من الأخر و نحكم الجزء الكبير، و نحط شوية فرينة، ونحلو بحجم المول ليعندك، و نحطو فيه و نتقبو بالفرشيطة، و مبعد نحط فوقو الحشو يكون دافئ، ومبعد نزيد نحل الجزء الصغير، و نحطو من فوق، و نقفل الأطراف و نخليها ترتاح 15دقيقة، و مبعد ندهنها بصفار البيض و نحط فوقها فورماج رابي و جلجلان و نتقبها.

  5. ندخلها للفرن لكنتي سخنتيه ربع ساعة من القبل، على درجة 180 كي تحمار مليح من تحت نشعل الفوق و كي تحمار نحيها، ليكون الطبق جاهز للأكل.

أوسمة

فريق شهيتي

فريق شهيتي متكون من مجموعة من الطهاة المحترفين و المتخصصين في مختلف المطابخ المحلية و العالمية

مقالات ذات صلة

إغلاق
%d مدونون معجبون بهذه: